Guardiola kumvunjia benki Sergio Aguero

MANCHESTER, England

MABINGWA wa Ulaya, Bayern Munich wamepania kuvunja benki kumnasa straika wa Manchester City, Sergio Aguero mwenye thamani ya pauni milioni 40 (sh bilioni 100) wakati wa usajili wa kiangazi mwakani.

Pep Guardiola amepania kunasa saini ya Aguero ambaye amekuwa akimfutilia tangu alipokuwa Atletico Madrid na alitaka kumsajili wakati alipokuwa kocha wa Barca.

Chelsea yampima Lewandowski

LONDON, England

CHELSEA wanataka kupima ukweli wa kauli za Robert Lewandowski kwamba hajafikia makubaliano ya awali na Bayern Munich kwa kuweka mezani ofa ya kumsajili straika huyo wa Borussia Dortmund ambaye mkataba wake na miamba hiyo ya Ujerumani unamalizika mwisho wa msimu huu. Jose Mourinho anataka kuongeza mshambuliaji kwenye timu hiyo na Mpoland huyo yuko kwenye rada zake.