Arsenal yaongeza kasi kwa Benteke

LONDON, England

ARSENAL imeongeza kasi kwenye mbio za kuwania saini ya straika wa Aston Villa, Christian Benteke baada ya juzi kumtuma mmoja wa wasaka vipaji wao wakuu kwenda kumuangalia Benteke akiwa uwanjani dhidi ya West Ham kwenye uwanja wa Upton Park, taarifa zaidi zinadai kwamba msaka vipaji huyo pia alikuwa akimfuatilia beki wa kati wa West Ham, Winston Reid ambaye pia anawaniwa na Arsenal kuja kuziba nafasi ya Thomas Vermaelen kama akiondoka Januari.

Beckham awanyatia Ferdinand, Lampard

MIAMI, Marekani

RIO Ferdinand (34) na Frank Lampard (35) ni miongoni mwa wachezaji wenye majina makubwa wanaohusishwa na kujiunga na klabu ya David Beckham mara baada ya maandalizi ya uanzishwaji wa klabu hiyo utakapokamilika jijini Miami. Mkataba wa Ferdinand Manchester United unaisha mwisho wa msimu huu, huku na Lampard naye mkataba wake ukitarajiwa kuisha mwisho wa msimu hivyo wamehusishwa na kujiunga na klabu hiyo ya staa wa zamani wa Real Madrid na Man United.