RAISI MUSEVEN AWATAKA WANASIASA NCHINI KWAKE KUACHA MARUMBANO

Raisi wa Uganda Yoeri Museven

Rais wa Uganda, Yoweri Museveni amewataka viongozi wawili waandamizi wa upinzani nchini Uganda, kuacha mapambao ya kisiasa wasiyoweza kushinda, na badala yake wajiunge na chama tawala cha National Resistance Movement-NRM.Museveni alimshutumu mpinzani wake Kizza Besigye na meya wa Kampala, Erias Lukwago kwa kupinga mipango ya maendeleo ya serikali na kutangaza uongo, ambapo ametaka aombwe msamaha na wapinzani hao wawili.
Lakini wote Besigye na Lukwago walipuuza wito wa Museveni wakiuita mchezo wa kisiasa wa kutaka kupata uungaji mkono wa chama tawala katika mji mkuu ambako wapiga kura mara nyingi hawakiungi mkono chama tawala.

Rais Museveni na chama chake tawala cha NRM wamekuwa madarakani tangu mwaka 1986. Lakini Lukwago anasema matamshi ya karibuni ya Museveni ni matokeo ya kile anachosema kinaonekana ni mgawanyiko katika chama tawala.
Lukwago alisema maafisa wa utawala mara kwa mara wanakataa kufanya kazi na wapinzani kuhusu wasi wasi wa umma shutuma ambazo wawakilishi wa chama tawala wanazikanusha kwa kutokuwa na ukweli.