ASHANT UNTED YAKUBALI KICHAPO CHA BAO 4-0 TOKA KWA AZAM

Wakiwa kwao Azam Complex, Chamazi, kwenye Viunga vya Jiji la Dar es Salaam, Azam FC Jana waliichapa Ashanti United Bao 4-0 na kukaa kileleni mwa VPL, Ligi Kuu Vodacom.

Baada ya kucheza Mechi 18, Azam FC wako Nambari Wani wakiwa na Pointi 40 wakifuatiwa na Yanga waliocheza Mechi 17 na wana Pointi 38.

Bao za Azam Fc zilifungwa na Morris, kwa Penati, Said Morad na Gaudence Mwaikimba ambae alifunga Bao mbili.

Mwaikimba alikuwa kitambo hajaonekana Uwanjani na pengine amepata nafasi hii, ambayo aliitumia vyema kuonyesha makeke yake ya Siku za nyuma, kwa vile tu Mastraika wa kawaida wa Azam FC, kina Booco na Kipre Tchetche hawakuweza kucheza.

Tchetche anatumikia Adhabu ya kufungiwa Mechi baada kupata Kadi Nyekundu Mechi iliyopita waliyotoka Sare 2-2 na Tanzania Prisons.

Ligi hii itaendelea Jumapili kwa Mechi 5.

MSIMAMO:

NA	TIMU	P	W	D	L	GD	PTS
1	Azam FC	18	11	7	0	23	40
2	Yanga SC	17	11	5	1	29	38
3	Mbeya City	19	9	8	2	8	35
4	Simba SC	19	8	8	3	16	32
5	Kagera Sugar	19	6	8	5	1	26
6	Coastal Union	19	5	10	4	5	25
7	Mtibwa Sugar	19	6	7	6	0	25
8	Ruvu Shooting	18	6	7	5	-4	25
9	JKT Ruvu	19	7	1	11	-13	22
10	Prisons FC	17	3	8	6	-3	17
11	Mgambo JKT	19	4	5	10	-17	17
12	JKT Oljoro	19	2	8	9	-15	14
13	Ashanti United	19	3	5	11	-19	14
14	Rhino Rangers	19	2	7	10	-11	13

RATIBA:

Jumapili Machi 2

Simba v Ruvu Shooting

Kagera Sugar v JKT Ruvu

Mbeya City v JKT Oljoro

Ashanti United v Rhino Rangers

Tanzania Prisons v Mgambo JKT