JAMII YATAKIWA KUTAFUTA ELIMU YA UFUNDI NA UJASILIAMALI

JAMII imetakiwa kusaka elimu hususan ya ufundi na ujasiriamali, kwani ikitumiwa kwa usahihi itasaidia kupunguza tatizo la ajira kwa vijana hapa nchini.

Balozi wa Ubelgiji nchini, Koenread Adam

 Balozi wa Ubelgiji nchini, Koenread Adam, ametoa ushuri huo wakati alipozungumza na wahitimu wa Chuo cha Ufundi cha Don Bosco, jijini Dar es Salaam, mwishoni mwa wiki katika mahafali ya 33, ambapo wahitimu 47 walitunukiwa vyeti vya fani mbalimbali za ufundi na ujasiriamali.
Amesema elimu ya ufundi waliyoipata haina mwisho, ni muhimu kwa sababu kila kukicha mafundi umeme wa majumbani na viwandani, mchundo, seremala, wachonga vipuri vya mitambo mbalimbali wanahitajika katika jamii.Mkuu wa chuo hicho, Francis Mullu, amesema wamekuwa wakitoa mafunzo kwa vitendo kwa miaka mitatu, wakilenga ushindani wa soko la ajira katika nchi za Jumuia ya Afrika Mashariki (EAC), na nchi zilizoko kwenye Jumuiya ya Maendeleo Kusini mwa Afrika (SADCC).