SHULE TANZANIA KUANZA KUCHEZA MPIRA WA MIKONO

 

Nicolaus Miseny-M/kiti mpira wa mikono TZ

NAmsham ngojwike

Chama cha Mpira wa mikono Tanzania (TAHA) kimeanza mchakato wa kurejesha mchezo huo kwa wananchi baada ya kutopewa kipaumbele kama michezo mingine kwa takribani miaka 20.

Mwenyekiti wa TAHA Nicolause Mihayo aliliambia BINGWA jana kuwa urejeshwaji wa mchezo huo utaanza katika shule za msingi na Sekondari hapa nchini.

“Mchezo huu umekuwa haupewi kipaumbele hapa nchini jambo linalosababisha kuanza kupotea sasa chama kimeamu kuurudisha ili uwe kama zamani ambapo hadi itakapofika mwakani tuwe tumepiga hatua kubwa katika mpango huu,”alisema.

Alisema kuwa Tanzania imekuwa nchi ya kwanza kucheza mchezo wa mpira wa mikono Afrika Mashariki na Kati miaka ya 60, watalamu wengi kutoka nchini wamekuwa wakisafiri kwenda kuzifundisha nchi zingine huku hapa nchi ukizidi kupotea.

Mihayo alisema kuwa hadi sasa ni mkoa wa  Mbeya pekee ndio uliobakia ambapo tayari wameshakuwa tayari kuanza kupokea mafunzo hayo katika shule zao.

Amewaomba watua wanaoufahamu mchezo huo kujitolea kutoa elimu ili waweze kuyafikia malengo yao na kuufanay mchezo huo kuwa miongoni kwa michezo inayopewa kipaumbele.