ROBO FAINALI COPA del REY MARUDIANO LEO

Mechi za Marudiano za Robo Fainali za Kombe la Mfalme wa Spain, Copa del Rey, zitaanza kuchezwa hii Leo Jumanne Usiku huko Santiago Bernabeu Jijini Madrid wakati Real Madrid watakapoikaribisha Espanyol toka Jiji la Barcelona.

Real Madrid waliifunga Espanyol Bao 1-0, kwa Bao la Karim Benzema, Wiki iliyopita katika Mechi ya Kwanza huko Estadi Cornella-El Prat.

Mshindi wa Mechi hii atacheza Nusu Fainali na Mshindi wa Mechi ya Jumatano kati ya Athletic de Bilbao na Atletico Madrid, ambao ndio Mabingwa Watetezi wa Copa del Rey, huku Atletico wakiwa mbele kwa Bao 1-0 baada ya kushinda Mechi ya Kwanza.

Mechi nyingine ya Jumatano ni huko Nou Camp, Barcelona watakaporudiana na Levante ambayo ilichapwa Nyumbani kwao Bao 4-1.

Mechi ya mwisho ya Marudiano ya Robo Fainali ni Alhamisi kati ya Real Racing Santander na Real Sociedad ambao wako mbele kwa Bao 3-1.

COPA del REY

RATIBA:

[Saa za Bongo]

ROBO FAINALI:

MARUDIANO

[Kwenye Mabano Matokeo Mechi ya Kwanza]

Jumanne Januari 28

23:00 Real Madrid v RCD Espanyol [1-0]

Jumatano Januari 29

22:00 Athletic de Bilbao v Atlético de Madrid [0-1]

24:00 FC Barcelona v Levante [4-1]

Alhamisi Januari 30

23:00 Real Racing Santander v Real Sociedad [1-3]

NUSU FAINALI

Mechi ya Kwanza Feb 5-6, Marudiano Feb 12-13

Real Sociedad/Real Racing Santander v Levante/FC Barcelona

RCD Espanyol/Real Madrid v Atlético de Madrid/Athletic de Bilbao

FAINALI

Aprili 19